Հունգարիայի վարչապետը հայտարարել է, որ երկիրը չի պատրաստվում զենք կամ զինվորականներ ուղարկել Ուկրաինա

Հունգարիայի վարչապետ Պետեր Մադյարը հայտարարել է, որ երկրի նոր կառավարությունը չի փոխելու իր մոտեցումը ուկրաինական հակամարտության հարցում և շարունակելու է հրաժարվել Ուկրաինային զենք ու զինվորականներ տրամադրելուց։

Նրա խոսքով՝ Հունգարիան նաև նոր կառավարության օրոք չի մասնակցելու ռազմական աջակցությանը և չի ուղարկելու ո՛չ զինտեխնիկա, ո՛չ զինվորական անձնակազմ։

Ավելի վաղ նախկին վարչապետ Վիկտոր Օրբանի գլխավորած «Ֆիդես» կուսակցությունը կոչ էր արել նոր իշխանություններին պահպանել չեզոք դիրքորոշումը Ուկրաինայի շուրջ հակամարտության հարցում։

Նախկինում Մադյարը նաև հայտարարել էր ՆԱՏՕ-ի գլխավոր քարտուղար Մարկ Ռյուտեին, որ Հունգարիան չի նախատեսում ռազմական աջակցություն տրամադրել հակամարտության գոտուն։