Զախարովան հայտարարել է, որ ԱՄՆ-ը բաց է թողել իր հնարավորությունները միջազգային հարթակներում

Ռուսաստանի ԱԳՆ պաշտոնական ներկայացուցիչ Մարիա Զախարովան հայտարարել է, որ ԱՄՆ ներկայացուցիչների մասնակցությունը միջազգային միջոցառումներին այսօր արդեն ընկալվում է որպես «անսովոր երևույթ», ինչը, նրա խոսքով, նախորդ ամերիկյան վարչակազմերի քաղաքականության հետևանքն է։

Սանկտ Պետերբուրգի միջազգային տնտեսական ֆորումի շրջանակում նա նշել է, որ Միացյալ Նահանգները, իր գնահատմամբ, կորցրել է մի շարք հնարավորություններ միջազգային հարթակներում և այժմ ստիպված է վերականգնել իր դիրքերը։

Միևնույն ժամանակ Զախարովան դրական է գնահատել ԱՄՆ ներկայացուցիչների այցը Սանկտ Պետերբուրգ՝ այն համարելով դրական ազդակ։

Ավելի վաղ հայտնի էր դարձել, որ ԱՄՆ Դաշնային գեղարվեստի հանձնաժողովի ղեկավար Ռոդնի Միմս Քուքը մասնակցելու է Սանկտ Պետերբուրգի միջազգային տնտեսական ֆորումին՝ դառնալով վերջին տարիների ընթացքում միջոցառմանը մասնակցող առաջին պաշտոնական ամերիկացի ներկայացուցիչներից մեկը։