Լիբանանն ու Իսրայելը պայմանավորվել են իրականացնել հրադադարի ռեժիմը
Աշխարհ
Միացյալ Նահանգներում բանակցություններից հետո Լիբանանի և Իսրայելի ներկայացուցիչները համաձայնության են եկել հրադադարի ռեժիմի իրականացման հարցում։ Այս մասին ասվում է Պետդեպարտամենտի մամուլի ծառայության կողմից տարածված համատեղ հայտարարության մեջ։ Ինչպես ասվում է հայտարարությունում, Լիբանանի և Իսրայելի ներկայացուցիչները հունիսի 2-3-ը բանակցություններ են անցկացրել Վաշինգտոնում։
«ԱՄՆ-ի գլխավորած բանակցությունների արդյունքում Իսրայելը և Լիբանանը պայմանավորվել են իրականացնել հրադադարի ռեժիմ»,- ասվում է հայտարարության մեջ։ Ինչպես հետևում է փաստաթղթից, պայմանավորվածությունները «պայմանավորված են արմատական շիական շարժման՝ «Հեզբոլլահ»-ի կողմից կրակի ամբողջական դադարեցմամբ և Լիտանի գետից հարավ գտնվող հատվածից «Հեզբոլլահ»-ի բոլոր զինյալների դուրսբերմամբ»։
«Կողմերը համաձայնության եկան՝ ԱՄՆ միջնորդությամբ, շուտով սկսել փորձնական գոտիների ստեղծումը, որոնք կվերահսկվեն Լիբանանի զինված ուժերի կողմից՝ առանց որևէ ոչ պետական գործիչների մասնակցության: Այս քայլերը կնպաստեն համապարփակ խաղաղության և անվտանգության համաձայնագրի կնքման ուղղությամբ առաջընթացին», – ասվում է հայտարարության մեջ:
ՈՒՂԻՂ ԵԹԵՐ
Ամենադիտված 
«Սա արդեն իսկական պատերազմի սկիզբ է»․ Լավրովը զգուշացրել է 
