Ուռուցքաբանները կոչ են արել ազատվել կյանքի համար վտանգավոր խոհանոցային մեկ պարագայից
Հասարակություն
Մգացած, քերծված կամ ճաքած պլաստիկ տարաները, որոնք օգտագործվում են սնունդ պահելու համար, կարող են վտանգ ներկայացնել առողջության համար։ Այս մասին Closer-ին տված հարցազրույցում հայտարարել են ուռուցքաբաններ Թինգթինգ Թանը և Ամար Ռևարին՝ խորհուրդ տալով ժամանակին հրաժարվել վնասված խոհանոցային պարագաներից։
Թանի խոսքով՝ պլաստիկի գույնի փոփոխությունը կամ կառուցվածքի վնասումը կարող է վկայել նյութի քայքայման մասին։ Նա նշել է, որ հատկապես տաքացման դեպքում մաշված պլաստիկը կարող է ավելի շատ միկրոպլաստիկի մասնիկներ կամ քիմիական միացություններ փոխանցել սննդին։ Միաժամանակ մասնագետը ընդգծել է, որ միկրոպլաստիկի երկարաժամկետ ազդեցությունն օրգանիզմի վրա դեռևս ուսումնասիրվում է։
Իր հերթին Ամար Ռևարին հիշեցրել է, որ քաղցկեղի առաջացումը կապված է բազմաթիվ գործոնների՝ գենետիկայի, տարիքի, կենսակերպի և շրջակա միջավայրի ազդեցության հետ։ Սակայն նա ևս խորհուրդ է տվել սննդի մնացորդները չտաքացնել պլաստիկ տարաների մեջ և դրանք չլվանալ բարձր ջերմաստիճանով սպասք լվացող մեքենաներում։ Նրա խոսքով՝ հատկապես ճարպոտ ուտեստները, սոուսներն ու ապուրներն ավելի զգայուն են նման ազդեցությունների նկատմամբ, իսկ առավել անվտանգ տարբերակ կարող են լինել ապակե կամ կերամիկական տարաները։
ՈՒՂԻՂ ԵԹԵՐ
Ամենադիտված 
«Շանգրիլայի» լիցենզիան կչեղարկվի. Գագիկ Ծառուկյանին ունեզրկման գործընթաց է սկսել
