Բազմաբնակարան շենքերը հնարավոր կլինի կառուցել ընդամենը չորս ամսում

Մոսկվայի քաղաքապետի՝ քաղաքաշինական քաղաքականության և շինարարության հարցերով տեղակալ Վլադիմիր Եֆիմովը հայտարարել է, որ արդեն 2026 թվականին Ռուսաստանում հնարավոր կլինի բազմաբնակարան շենքեր կառուցել ընդամենը չորս ամսում։ Նրա խոսքով՝ դա հնարավոր կդառնա նախնական հավաքման տեխնոլոգիայի՝ պրեֆաբրիկացիայի կիրառման շնորհիվ։

Եֆիմովի խոսքով՝ կառավարությունը ֆինանսների և շինարարության նախարարությունների հետ համատեղ աշխատում է շինարարության երկար ժամկետների խնդրի լուծման ուղղությամբ։ Այդ նպատակով խստացվել են կապալառուների նկատմամբ պահանջները, ներդրվել են գնահատման մեխանիզմներ և ընդլայնվել է թվային տեխնոլոգիաների կիրառումը նախագծման և կառավարման գործընթացներում։

Պաշտոնյայի տվյալներով՝ պրեֆաբրիկացիայի դեպքում շենքի հիմնական տարրերը նախապես պատրաստվում են գործարանային պայմաններում և տեղափոխվում շինհրապարակ՝ պատրաստ տեսքով։ Նրա խոսքով՝ այս մեթոդն արդեն զգալիորեն կրճատել է շինարարության ժամկետները, իսկ 2025 թվականին նման տեխնոլոգիայով վեց ամսում կառուցվել է 23-հարկանի բնակելի շենք՝ ամբողջական հարդարմամբ։