Շենգավիթի համայնքային ոստիկանները շորթման և մեքենաներից գողության դեպքեր են բացահայտել (տեսանյութ)
ՏեսանյութերՆԳՆ ոստիկանությունը թիրախային պայքար է իրականացնում ավտոմեքենաներից կատարվող գողությունների և շորթման դեպքերի կանխարգելման, բացահայտման ու դրանց դեմ արդյունավետ հակազդման ուղղությամբ։
Հետևողական աշխատանքի հերթական արդյունքը Շենգավիթի համայնքային ոստիկաններն արձանագրեցին մայիսի 22-ի գիշերը։ Ժամը 4․40-ին, մայրաքաղաքի Եղբայրության փողոցի մոտ, գողության և շորթման փորձ կատարելու կասկածանքով նրանք ձերբակալեցին Արին Բերդի փողոցի բնակիչ 15-ամյա մի պատանու։
Ըստ իրավապահների հիմնավոր տեղեկությունների՝ նա և 17-ամյա մեկ այլ պատանի, մայրաքաղաքի վարչական տարբեր շրջաններում տասնյակ մեքենաներից կատարել էին գողություն և շորթում։
Նախաձեռնվել է քրեական վարույթ։ Քննիչների և ոստիկանների համատեղ աշխատանի արդյունքում հիմնավորվել է նրանց կողմից կատարած շորթման 20 դեպք։
Նախաքննությունը շարունակվում է։
ՈՒՂԻՂ ԵԹԵՐ
Ամենադիտված 
«Սա արդեն իսկական պատերազմի սկիզբ է»․ Լավրովը զգուշացրել է 
