Politico. Զելենսկու մասնակցությունը G7 գագաթնաժողովին կարող է «պայթյունավտանգ» լինել

«Politico»-ն հաղորդում է, որ Վլադիմիր Զելենսկու հնարավոր մասնակցությունը Ֆրանսիայում կայանալիք «Յոթի խմբի» (G7) գագաթնաժողովին կարող է «պայթյունավտանգ» լինել՝ հաշվի առնելով նրա լարված հարաբերությունները ԱՄՆ նախագահ Դոնալդ Թրամփի հետ։

Հրապարակման համաձայն՝ դեռևս մարտ ամսին Ելիսեյան պալատը հայտարարել էր, որ Զելենսկին չի հրավիրվել գագաթնաժողովին։ Վերջերս Փարիզը կտրուկ փոխել է իր դիրքորոշումը, և այժմ սպասվում է, որ նա կմասնակցի։ Հրատարակության համաձայն՝ հաշվի առնելով Զելենսկու բարդ հարաբերությունները Թրամփի հետ, այս որոշումը «որոշակի անորոշություն» է մտցնում առաջիկա G7 գագաթնաժողովում։

«Թրամփի վարչակազմի օրոք միշտ կա որոշակի ռիսկ։ Նրանք չեն վախենում հակամարտությունից», - հրատարակությանը ասել է անանուն եվրոպացի դիվանագետը։

Գագաթնաժողովը տեղի կունենա հունիսի 15-17-ը Էվիանում (Վերին Սավուա, Ֆրանսիա)։ Հրատարակության համաձայն՝ Ֆրանսիայի նախագահ Էմանուել Մակրոնը փնտրում է Թրամփի բարեհաճությունը շահելու և ապահովելու համար, որ նա վաղաժամ չլքի հանդիպումը։ Մասնավորապես, Փարիզը քննարկում է Վերսալի պալատում Թրամփի համար մասնավոր ընթրիք կազմակերպելու հնարավորությունը։