Politico. Մակրոնը փորձում է շահել Թրամփի բարեհաճությունը՝ Վերսալում ընթրիք կազմակերպելով

Ֆրանսիայի նախագահ Էմանուել Մակրոնը կարող է Վերսալի պալատում ընթրիք կազմակերպել իր ամերիկացի գործընկեր Դոնալդ Թրամփի համար՝ փորձելով գրավել Վաշինգտոնի բարեհաճությունը և պահպանել Վաշինգտոնի ներգրավվածությունը Եվրոպայի համար կարևոր հարցերի, այդ թվում՝ Ուկրաինայի հակամարտության հարցում, հաղորդում է Politico-ն՝ հղում անելով անանուն ֆրանսիացի պաշտոնյաներին։

Աղբյուրների համաձայն՝ Ելիսեյան պալատը աշխատում է Մակրոնի և Թրամփի համար մասնավոր ընթրիք կազմակերպելու ուղղությամբ Լյուդովիկոս XIV-ի նստավայրում։ Այն կհամընկնի «Յոթի խմբի» (G7) գագաթնաժողովի հետ։ Հրատարակությունը գրում է, որ գաղափարն այն է, որ «օգտագործվի Թրամփի շքեղ ոսկեզօծ ինտերիերների նկատմամբ հակումը՝ փորձելով ապահովել, որ ԱՄՆ նախագահը շարունակի ներգրավված մնալ եվրոպական հիմնական հարցերի, ինչպիսիք են Ուկրաինայի պատերազմը և Իրանի հակամարտության տնտեսական ազդեցությունը»։

Թրամփը նախկինում հաստատել էր, որ կմասնակցի գագաթնաժողովին, որը տեղի կունենա հունիսի 15-17-ը Էվիանում (Վերին Սավուա, Ֆրանսիա)։