Մակրոնը հայտարարել է Եվրոպայի հետաքրքրվածության մասին Ռուսաստանի հետ անվտանգության հարցերի շուրջ երկխոսության հարցում

Ֆրանսիայի նախագահ Էմանուել Մակրոնը արտահայտել է Եվրոպայի շահագրգռվածությունը Ռուսաստանի հետ երկխոսություն կառուցելու հարցում՝ ընդհանուր մտահոգության հարցերի շուրջ։

«Մենք շահագրգռված ենք Ռուսաստանի հետ մեր ընդհանուր շահերին վերաբերող հարցերի շուրջ քննարկումներ կազմակերպելու հարցում, ներառյալ մեր սեփական անվտանգության քաղաքականությունը, մեր բարիդրացիական քաղաքականությունը և, իհարկե, Ուկրաինայի շահերի պաշտպանությունը», - ասել է Մակրոնը Չեռնոգորիայում ԵՄ-Արևմտյան Բալկաններ գագաթնաժողովին ժամանելուց հետո։

Ֆրանսիայի առաջնորդի խոսքով՝ Ռուսաստանը և Ուկրաինան կարող են մշակել մոտեցումներ ինչպես հրադադարի, այնպես էլ ապագա խաղաղության ծրագրի վերաբերյալ։ «Մենք միշտ կողմ ենք եղել Ուկրաինայի և Ռուսաստանի միջև ուղիղ բանակցություններին», - նշել է նա։

Ֆրանսիայի նախագահը կարծում է, որ Եվրոպան «պետք է որոշակի պահի լինի բանակցությունների սեղանի շուրջ»։ «Խոսքը եվրոպացիների համար խաղաղության և անվտանգության ճարտարապետության մասին է՝ հաշվի առնելով աշխարհագրությունը», - ընդգծել է պետության ղեկավարը։