Լեպսին նկատել են նոր երիտասարդ ուղեկցուհու հետ

Ռուսաստանի ժողովրդական արտիստ Գրիգորի Լեպսը հայտնվել է Սանկտ Պետերբուրգում անցկացված միջոցառմանը՝ երիտասարդ աղջկա ուղեկցությամբ։ Այդ մասին հայտնել է «Անտիգլյանց» Telegram ալիքը։

Աղբյուրի փոխանցմամբ՝ երգիչը միջոցառմանը ժամանել է երիտասարդ երկարամազ ուղեկցուհու հետ, սակայն աղջկա ինքնությունը հրապարակման մեջ չի բացահայտվել։ Լեպսն ինքը ևս առայժմ հրապարակային մեկնաբանություն չի արել։

Ավելի վաղ 63-ամյա երգիչը հարաբերությունների մեջ էր 20-ամյա Ավրորա Կիբայի հետ։ Զույգը պատրաստվում էր ամուսնության, սակայն հունվարին հայտնի դարձավ բաժանման մասին։ Կիբան նշել էր, որ հարաբերություններն ավարտվել են փոխադարձ հարգանքի և շնորհակալության մթնոլորտում, մինչդեռ Լեպսը չէր բացառել, որ ապագայում հնարավոր է հարաբերությունների վերականգնում։