ԱՄԷ-ը կշարունակի միջնորդական ջանքերը Ռուսաստանի և Ուկրաինայի միջև գերիների փոխանակման հարցում

Արաբական Միացյալ Էմիրությունները (ԱՄԷ) կշարունակի միջնորդական ջանքերը՝ Ուկրաինայում հակամարտությունը կարգավորելու և Մոսկվայի ու Կիևի միջև գերիների փոխանակմանը նպաստելու համար, ասվում է ԱՄԷ արտաքին գործերի նախարարության հայտարարության մեջ։

«Արտաքին գործերի նախարարությունը հաստատում է, որ ԱՄԷ-ն կշարունակի իր ջանքերը՝ ուղղված Ուկրաինայում հակամարտության խաղաղ կարգավորմանը և փախստականների ու բանտարկյալների համար ճգնաժամի մարդասիրական հետևանքների մեղմացմանը», - նշվում է փաստաթղթում: Նախարարությունը նշել է միջնորդության վերջին փուլի հաջողությունը, որի արդյունքում տեղի է ունեցել 185-ը 185-ի դիմաց փոխանակում: Աբու Դաբիի օգնությամբ ազատ արձակված զինծառայողների ընդհանուր թիվը հասել է 7471-ի:

Ավելի վաղ Ռուսաստանի պաշտպանության նախարարությունը հայտնել էր, որ հունիսի 5-ին Կիևի վերահսկողության տակ գտնվող տարածքից վերադարձվել է 185 ռուս զինծառայող, իսկ փոխանակման արդյունքում փոխանցվել է Ուկրաինայի զինված ուժերի 185 ռազմագերի։ Նախարարությունը հաստատել է, որ փոխանակման ընթացքում ԱՄԷ-ն ցուցաբերել է մարդասիրական միջնորդություն։