Պուտինը խոսել է Ռուսաստանի նկատմամբ պահպանվող ճնշման և նոր հնարավորությունների մասին

Ռուսաստանի նախագահ Վլադիմիր Պուտինը հայտարարել է, որ երկրի նկատմամբ արտաքին ճնշումները շարունակում են պահպանվել, սակայն այդ իրավիճակը միաժամանակ ստեղծում է նոր հնարավորություններ զարգացման և համագործակցության համար։ Հայտարարությունն արվել է Սանկտ Պետերբուրգի միջազգային տնտեսական համաժողովի լիագումար նիստի ընթացքում։

Պուտինի խոսքով՝ ներկայիս պայմաններում Ռուսաստանը ստացել է ավելի լայն հնարավորություններ՝ տնտեսական և քաղաքական որոշումների հարցում ավելի ճկուն գործելու համար։ Նա ընդգծել է, որ փոփոխվող միջավայրում անհրաժեշտ է արագ արձագանքել և առաջնորդվել գործնական մոտեցումներով։

Ռուսաստանի նախագահը նաև նշել է, որ չնայած արտաքին սահմանափակումներին՝ երկիրը շարունակում է ձևավորել նոր գործընկերային կապեր։ Կրեմլում ավելի վաղ հայտնել էին, որ Պուտինի ելույթը նվիրված է լինելու ինչպես տնտեսական, այնպես էլ քաղաքական թեմաներին։