Լավրով. Ռուսաստանը կապահովի Ուկրաինայում ռուսների իրավունքների վերականգնումը

Ռուսաստանը անպայման կվերականգնի այն ռուսների իրավունքները, որոնց նկատմամբ Կիևի նեոնացիստական ​​ռեժիմը բացահայտ ահաբեկչություն է սանձազերծել։ Սա երկարաժամկետ կարգավորման նախապայման է։ Այս մասին հայտարարել է Ռուսաստանի արտաքին գործերի նախարար Սերգեյ Լավրովը Ռուսաց լեզվի օրվա կապակցությամբ տեսաուղերձում։

Լավրովը շնորհավորել է բոլորին Ռուսաց լեզվի օրվա կապակցությամբ, որը նշվում է Ալեքսանդր Պուշկինի ծննդյան օրը։

«Մեր բացարձակ առաջնահերթությունների մեջ են մտնում նրանց պաշտպանությունն ու աջակցությունը, որոնց համար ռուսերենը մայրենի լեզու է։ Մենք կշարունակենք վճռականորեն հակազդել լեզվական խտրականության և ռուսաֆոբիայի ցանկացած դրսևորման, որտեղ էլ որ դրանք տեղի ունենան։ Մենք անպայման կհասնենք այն ռուսների և ռուսախոս մարդկանց իրավունքների լիակատար վերականգնմանը, որոնց նկատմամբ Կիևի նեոնացիստական ​​ռեժիմը բացահայտ ահաբեկչություն է սանձազերծել։ Այս հարցի լուծումը անհրաժեշտ պայման է ուկրաինական հակամարտության երկարաժամկետ կարգավորման համար», - ընդգծել է Ռուսաստանի դիվանագիտության ղեկավարը։