Քաղաքագետը նշել է Փաշինյանի կուսակցության հաղթանակի պատճառներից մեկը. Lenta.ru

Հայաստանի խորհրդարանական ընտրություններում վարչապետ Նիկոլ Փաշինյանի գլխավորած «Քաղաքացիական պայմանագիր» կուսակցության հաղթանակի կարևոր գործոններից մեկը եղել է խորհրդարան չանցած քաղաքական ուժերի ձայների բաշխումը։ Այդ կարծիքը հայտնել է քաղաքագետ Կարեն Իգիթյանը։

Նրա խոսքով՝ Հայաստանի ընտրական օրենսդրությամբ կուսակցությունների համար սահմանված է 4 տոկոսի անցողիկ շեմ, որը այս ընտրություններում չեն հաղթահարել 15 քաղաքական ուժեր։ Այդ ձայները հետագայում բաշխվում են խորհրդարան անցած ուժերի միջև՝ համամասնական սկզբունքով։

Քաղաքագետի գնահատմամբ՝ հենց այդ չանցած կուսակցություններն են մասնատել ընդդիմադիր ընտրազանգվածը, ինչի արդյունքում նրանց հավաքած ձայները փաստացի նպաստել են Նիկոլ Փաշինյանի հաղթանակին։ Միաժամանակ նա նշել է, որ այս ընտրություններում խոշոր ընդդիմադիր ուժերը, ի տարբերություն նախորդ փուլերի, ավելի համակարգված են աշխատել և փորձել են դիմել տարբեր ընտրական խմբերի։ Ավելի վաղ ԿԸՀ-ն հայտնել էր, որ «Քաղաքացիական պայմանագիր»-ը ստացել է 49,81 տոկոս ձայն։