Ֆրանսիացի հայտնի երգիչը ձերբակալվել է բռնության գործով

Ֆրանսիացի հայտնի երգիչ Պատրիկ Բրյուելը ձերբակալվել է սեռական բնույթի բռնության մեղադրանքների շրջանակում։ Այդ մասին հայտնում է BFMTV-ն։

Տեղեկությունների համաձայն՝ արտիստը բերման է ենթարկվել հունիսի 8-ին։ Նրա նկատմամբ քննություն է սկսվել բռնության երեք առանձին դրվագներով։ Առայժմ չի հաղորդվում, թե որքան ժամանակ նա կմնա կալանքի տակ։ Հայտնի է, որ երկու կին դիմել են իրավապահներին՝ նրան մեղադրելով սեռական բռնության և բռնաբարության փորձի մեջ։ Մեկ այլ բողոք ներկայացրել է ֆրանսիացի հեռուստահաղորդավարուհի Ֆլավի Ֆլամանը։

Ընդհանուր առմամբ, տարբեր ժամանակահատվածներում՝ 1991-ից մինչև 2015 թվականները, շուրջ 30 կին մեղադրանքներ են ներկայացրել երգչի դեմ։ Գործով հետաքննությունը շարունակվում է։