Ռուսաստանի ԿԲ-ն փոխել է արտարժույթների պաշտոնական փոխարժեքները

Ռուսաստանի Կենտրոնական բանկը հրապարակել է հունիսի 9-ի պաշտոնական փոխարժեքները՝ նվազեցնելով դոլարի, եվրոյի և յուանի արժեքը։ Այդ մասին հայտնել է կարգավորողի մամուլի ծառայությունը։

Նոր տվյալներով՝ ԱՄՆ դոլարի պաշտոնական փոխարժեքը նվազել է 20 կոպեկով՝ 73,46 ռուբլուց հասնելով 73,26 ռուբլու։ Չինական յուանի փոխարժեքը սահմանվել է 10,78 ռուբլի՝ նախորդ օրվա 10,85 ռուբլու փոխարեն։

Նվազել է նաև եվրոյի պաշտոնական արժեքը՝ 85,55 ռուբլուց մինչև 85,27 ռուբլի։ Ավելի վաղ ֆինանսական շուկայի փորձագետները կանխատեսել էին, որ մինչև հունիսի կեսերը դոլարի փոխարժեքը կարող է պահպանվել 71–75 ռուբլու միջակայքում՝ կախված Կենտրոնական բանկի առաջիկա որոշումներից։