Էստոնիայի նախագահը պայման է ներկայացրել Ուկրաինայի շուրջ հնարավոր բանակցություններին

Էստոնիայի նախագահ Ալար Կարիսը հայտարարել է, որ Ուկրաինայի հակամարտության կարգավորման վերաբերյալ որևէ բանակցային գործընթաց չպետք է անցկացվի առանց Կիևի և Եվրոպական միության մասնակցության։ Այդ մասին նա հայտարարել է՝ մեկնաբանելով հնարավոր դիվանագիտական ձևաչափերը։

Կարիսի խոսքով՝ եթե Ուկրաինան ցանկանում է, որ Եվրոպան ներգրավված լինի բանակցություններում, ապա այդ ձևաչափում պետք է մասնակցեն ինչպես եվրոպական երկրները, այնպես էլ Ռուսաստանը։ Նա նաև նշել է, որ ԱՄՆ-ի մասնակցությունը կարող է լրացուցիչ դեր ունենալ գործընթացում, սակայն առանձին կամ փակ բանակցությունները, ըստ նրա, չպետք է տեղի ունենան։

Էստոնիայի նախագահը հավելել է, որ դիվանագիտական լուծման հասնելու համար Եվրոպան պետք է շարունակի և ուժեղացնի ճնշումը Ռուսաստանի նկատմամբ։ Ավելի վաղ հաղորդվել էր նաև, որ Ուկրաինայի նախագահ Վլադիմիր Զելենսկին վերահաստատել է իր դիրքորոշումը՝ մերժելով տարածքային զիջումների տարբերակը։