Ռուսաստանում չեն ցանկանում տեսնել Գերմանիայի ներկայացուցչին որպես ԵՄ հնարավոր միջնորդ

Մոսկվայում չեն աջակցում այն տարբերակին, ըստ որի՝ Գերմանիայի ներկայացուցիչը կարող է հանդես գալ որպես Եվրոպական միության միջնորդ Ռուսաստանի հետ հնարավոր բանակցային գործընթացում։ Այդ մասին հայտնում է «Վեդոմոստի»-ն՝ հղում անելով ռուսական ուժային կառույցներին մոտ աղբյուրին։

Հրապարակման համաձայն՝ հենց Եվրամիության ներսում քննարկվում են նաև այլ թեկնածություններ, մասնավորապես՝ Ֆրանսիայի կամ Իտալիայի ներկայացուցիչների մասնակցության հնարավորությունը։ Միաժամանակ նշվում է, որ ցանկացած բանակցային գործընթաց հնարավոր է միայն Ուկրաինայում հրադադարի հաստատումից հետո։

Աղբյուրների փոխանցմամբ՝ եվրոպական մասնակցությամբ բանակցությունները կարող են երկար ժամանակ պահանջել։ Ռուսաստանի արտաքին քաղաքական շրջանակներում ևս զգուշավոր են գնահատում նման սցենարների իրատեսականությունը և ԵՄ երկրների միջնորդական դերակատարության հնարավորությունները։ Ավելի վաղ ՌԴ նախագահ Վլադիմիր Պուտինը հայտարարել էր, որ Ռուսաստանը բաց է Եվրոպայի հետ երկխոսության վերականգնման համար, եթե դրա համար լինի նպատակահարմար նախաձեռնություն։