Եվրահանձնաժողովի ղեկավարը Կիևին խոստացել է 9 միլիարդ եվրո մինչև ամսվա վերջ

Եվրոպական հանձնաժողովի նախագահ Ուրսուլա ֆոն դեր Լայենը կրկին խոստացել է մինչև հունիսի վերջ Կիևին տրամադրել 9 միլիարդ եվրո, այդ թվում՝ 6 միլիարդ եվրո անօդաչու թռչող սարքերի համար, և շուտով սկսել ԵՄ անդամակցության բանակցությունները։

«Երեկ մենք Կիևին Ուկրաինայի հիմնադրամից տրամադրել ենք 3 միլիարդ եվրո։ Եվ այս ամիս մենք կհատկացնենք 90 միլիարդ եվրոյի ֆինանսավորում, ուստի մինչև այս ամսվա վերջ մենք Ուկրաինային կտրամադրենք 6 միլիարդ եվրո անօդաչու թռչող սարքերի համար և 3 միլիարդ եվրո մակրոֆինանսական օգնություն», - ասել է նա Բրյուսելում կայացած մամուլի ասուլիսում՝ ներկայացնելով Ռուսաստանի դեմ 21-րդ պատժամիջոցների փաթեթը։

«Առաջիկա օրերին մենք նաև կբացենք [ԵՄ անդամակցության վերաբերյալ] առաջին բանակցային կլաստերը Ուկրաինայի և Մոլդովայի հետ», - ասել է ֆոն դեր Լայենը։