Չինաստանում աշխարհում առաջին անգամ մարդուն փոխպատվաստվել է խոզի մի քանի օրգան

Չինացի գիտնականները խոզի լյարդ և երիկամներ են փոխպատվաստել հիվանդին, ինչը նշանավորվում է աշխարհում առաջին բազմաօրգան փոխպատվաստմամբ կենդանուց մարդուն, հաղորդում է Հոնկոնգի South China Morning Post թերթը։

Ըստ տվյալների՝ հիվանդը 53-ամյա տղամարդ էր։ Գիտնականների թիմը գլխավորել են Գուանսիի բժշկական համալսարանի երկրորդ մասնաճյուղի հետազոտողները։

«Վիրահատությունից հետո օրգանները 53-ամյա տղամարդու մարմնում գործել են հինգ օր, որից հետո օրգանների հետազոտությունն ավարտվել է հիվանդի ընտանիքի ցանկությանը համապատասխան», – գրում է թերթը:

Թիմը նշում է, որ իրենց ուսումնասիրությունը բացահայտել է վաղ իմունային և նյութափոխանակության առանձնահատկություններ, որոնք կարող են հիմք դառնալ ապագա կլինիկական պրակտիկայի համար։