Ռուսաստանում տղամարդ է ձերբակալվել ահաբեկչական կազմակերպությանը գումար փոխանցելու կասկածանքով

Ռուսաստանի Վորոնեժ քաղաքում ԱԴԾ աշխատակիցները ձերբակալել են 62-ամյա տեղացի բնակչի՝ ահաբեկչական գործունեությանն աջակցելու կասկածանքով։ Այդ մասին հայտնում է «TV Գուբերնիա»-ն։

Քննության տվյալներով՝ տղամարդու նկատմամբ հարուցվել է քրեական գործ՝ Ռուսաստանի քրեական օրենսգրքի 205.1 հոդվածով, որը վերաբերում է ահաբեկչական գործունեությանը նպաստելուն։ Դատարանի որոշմամբ նա կալանավորվել է։

Ըստ նախնական տվյալների՝ կասկածյալը կատարել է 17 դրամական փոխանցում մի կազմակերպության, որը Ռուսաստանում ճանաչվել է ահաբեկչական։ Իրավապահ մարմինները դեպքի այլ մանրամասներ առայժմ չեն հրապարակել։