Արեգակի հզոր հարվածը վրիպել է․ Երկիրը խուսափել է գեոմագնիսական փոթորիկից

Աստղագետների կանխատեսած հզոր գեոմագնիսական փոթորիկը, որը կարող էր հասնել G3 մակարդակի, այդպես էլ չհասավ Երկիր։ Պարզվել է, որ Արեգակից արտանետված հսկայական պլազմային ամպը լիովին շրջանցել է մեր մոլորակը։

Չնայած` հաշվարկները ցույց էին տալիս Երկրին հարվածելու 96% հավանականություն, իրականում արտանետումն անցել է մոլորակից հեռու։ Գիտնականները նշում են, որ տիեզերական եղանակի կանխատեսումները դեռևս զիջում են սովորական եղանակային կանխատեսումների ճշգրտությանը, և նման սխալներ երբեմն տեղի են ունենում։

Հիշեցնենք՝ հունիսի 3-ին գիտնականները գրանցել էին վերջին մեկուկես ամսվա ընթացքում Արեգակի ամենահզոր բռնկումներից մեկը, ինչի հետևանքով էլ սպասվում էր զգալի գեոմագնիսական ակտիվություն։