Վենս. ԱՄՆ-Իրան համաձայնագրի կնքումը կարող է ամիսներ տևել

ԱՄՆ-ի և Իրանի միջև հնարավոր համաձայնագրի կնքումը կարող է ամիսներ տևել, սակայն հնարավոր է, որ երկու կողմերը կարողանան համաձայնության գալ մեկ շաբաթվա ընթացքում։ ԱՄՆ փոխնախագահ Ջ.Դ. Վենսը այս գնահատականը տվել է CBS News-ին տված հարցազրույցում, որի մի հատվածը հեռարձակվել է երեքշաբթի օրը։

«Կարծում եմ՝ համաձայնագրի կարելի է հասնել մեկ շաբաթվա ընթացքում, բայց այն կարող է նաև մի քանի ամիս տևել», – ասել է նա՝ պատասխանելով այն հարցին, թե արդյոք երկու կողմերը կարող են համաձայնության գալ նոյեմբերի 3-ի միջանկյալ ընտրություններից առաջ։

«Կարծում եմ՝ մենք գտնվում ենք այնպիսի դիրքում, որտեղ կարող ենք հասնել Վաշինգտոնի համար տնտեսապես շահավետ և իրապես Իրանի միջուկային ծրագրին վերաբերող համաձայնագրի», – ասել է նա՝ հավելելով, որ Վաշինգտոնը հույս ունի Թեհրանի հետ երկարաժամկետ համաձայնագրի հասնելու վրա։ «Կարծում եմ՝ մենք մոտ ենք այդ նպատակին հասնելուն, բայց մենք դեռ անելիքներ ունենք, և մենք կշարունակենք դա անել», – հավելել է նա։