Զախարովան քննադատել է Միջազգային քրեական դատարանի որոշումը

Ռուսաստանի ԱԳՆ պաշտոնական ներկայացուցիչ Մարիա Զախարովան մեկնաբանել է Միջազգային քրեական դատարանի (ՄՔԴ) շուրջ ստեղծված իրավիճակը՝ անդրադառնալով դատարանի նախկին գլխավոր դատախազ Քարիմ Խանի պաշտոնից հեռացման թեմային։

Զախարովայի խոսքով՝ ստեղծվել է հակասական իրավիճակ, երբ պաշտոնյան մինչ իր գործունեության շուրջ հարցերի առաջացումը հասցրել էր որոշումներ կայացնել տարբեր պետությունների ղեկավարների նկատմամբ։ Դիվանագետը քննադատել է գործընթացի երկարատև բնույթը և հարցականի տակ դրել կառույցի որոշումների հետևողականությունը։

Ավելի վաղ Հռոմի ստատուտի մասնակից երկրների ասամբլեայի բյուրոն որոշում էր ընդունել Քարիմ Խանին ժամանակավորապես հեռացնելու պաշտոնից։ Նրա նկատմամբ հետաքննություն է իրականացվել ենթադրյալ սեռական բնույթի ոչ պատշաճ վարքի մեղադրանքների շրջանակում։ Միևնույն ժամանակ Խանը փաստաբանների միջոցով հայտարարել է, որ չի համաձայնում այդ որոշման հետ և մտադիր է վիճարկել այն։