Մոդին կարող է հանդիպել Թրամփի հետ 15 ամսվա ընթացքում առաջին անգամ՝ G7 գագաթնաժողովում

Հնդկաստանի վարչապետ Նարենդրա Մոդին կարող է երկկողմ հանդիպում ունենալ ԱՄՆ նախագահ Դոնալդ Թրամփի հետ Ֆրանսիայում կայանալիք «Յոթի խմբի» (G7) գագաթնաժողովի շրջանակներում, հաղորդում են հնդկական լրատվամիջոցները՝ հղում անելով կառավարության աղբյուրներին։

Ըստ The Hindu-ի՝ այս հանդիպումը Մոդիի և Թրամփի միջև առաջին շփումը կլինի նրանց վերջին անձնական հանդիպումից հետո, որը տեղի է ունեցել 2025 թվականի փետրվարին Վաշինգտոնում։

Աղբյուրները չեն բացահայտել նախատեսված քննարկման մանրամասները, սակայն հայտնի է, որ կողմերը կքննարկեն երկկողմ առևտրային համաձայնագիրը և փոխադարձ հետաքրքրություն ներկայացնող այլ տարածաշրջանային և գլոբալ հարցեր։

Մոդիի և Թրամփի միջև հանդիպման նախապատրաստման վերաբերյալ դեռևս պաշտոնական տեղեկատվություն չկա։ Հնդկաստանի արտաքին գործերի նախարարությունը երեկ հայտարարել է, որ «գագաթնաժողովի շրջանակներում վարչապետը երկկողմ հանդիպումներ կանցկացնի նաև մի շարք համաշխարհային առաջնորդների հետ», առանց անուններ նշելու։