Նախկին օդաչուին մեղադրում են տարիներ շարունակ կեղծ լիցենզիայով թռիչքներ իրականացնելու մեջ

Կանադայում նախկին օդաչու Ջեֆրի Ուոլին քրեական մեղադրանքներ են առաջադրել այն բանից հետո, երբ քննությունը պարզել է, որ նա գրեթե 17 տարի իրականացրել է ուղևորափոխադրող թռիչքներ՝ առանց անհրաժեշտ բարձր կարգի օդաչուական լիցենզիա ունենալու։ Այդ մասին հայտարարել է կանադական ոստիկանությունը։

Քննության տվյալներով՝ 2009–2025 թվականներին Ուոլը ղեկավարել է ավելի քան 900 ներքին և միջազգային չվերթ՝ սպասարկելով Boeing 767, 777 և 787 ինքնաթիռներ։ Չնայած նա ունեցել է առևտրային օդաչուի իրավունք, իրավապահների պնդմամբ՝ երբ 2009 թվականին դարձել է օդանավի հրամանատար, չի ունեցել համապատասխան ATPL-A (Airline Transport Pilot License) լիցենզիան և չի անցել պարտադիր հավաստագրման գործընթացը։

Դեպքը բացահայտվել է 2025 թվականին՝ փաստաթղթերի հերթական ստուգման ընթացքում հայտնաբերված անհամապատասխանություններից հետո։ Air Canada-ը տեղեկացրել է վերահսկող մարմիններին, որից հետո սկսվել է «Project Icarus» անունը ստացած հետաքննությունը։ Ընկերությունը հայտարարել է, որ թռիչքների անվտանգությունը չի վտանգվել, քանի որ օդաչուները պարբերաբար անցնում են պարտադիր վերապատրաստում և թռիչքային ստուգումներ։ Այնուամենայնիվ, ավիաընկերությունում ընդգծել են, որ լիցենզավորման պահանջների պահպանումը անվտանգության համակարգի կարևոր բաղադրիչ է։ Ուոլին առաջադրվել է մի շարք մեղադրանքներ՝ այդ թվում խարդախության և կեղծ փաստաթղթերի օգտագործման հոդվածներով։