Թրամփը հայտնել է այսօր Իրանին հարվածելու մտադրության մասին

ԱՄՆ նախագահ Դոնալդ Թրամփը հայտարարել է այսօր Իրանին հարվածելու մտադրության մասին

«Մենք պատրաստվում ենք հարձակվել նրանց վրա և շատ կոշտ հարված հասցնել։ Կվերսկսենք ռմբակոծությունները։ Մենք դրա իրավունքն ունենք։ Նրանք խոցել են մեր ուղղաթիռը։ Այսօր մենք պատրաստվում ենք հզոր հարված հասցնել Իրանին։ 

Այո՛, հենց այդպես։ Հաշվի առնելով ուղղաթիռի հետ կապված միջադեպը՝ կարծում եմ, մենք դրա իրավունքն ունենք։ Նրանք խոցեցին շատ, շատ բացառիկ ուղղաթիռ. իրականում՝ անհավանական մեքենա։ Սկզբում ասում էին, որ չեն արել, հետո ընդունեցին, որ արել են։

Նրանց բախտը բերել է, որովհետև մեր ուղղաթիռում ռումբ կար։ Իրոք ռումբ կար։ Նրանց շատ բախտը բերել էր, որ այն չպայթեց։ Ռումբը գտնվում էր ուղղաթիռում, որը հրդեհվել էր, բայց այն չդետոնացվեց։ Այնտեղ միայն երկու մարդ էր, որոնք կարողացան փրկվել, և նրանց իսկապես բախտը բերեց։

Այնուհետև մենք ուղարկեցինք անօդաչու նավակ, որը շարժվում էր շատ մեծ արագությամբ՝ այնպիսի արագությամբ, որով դուք ինքներդ չէիք ցանկանա շարժվել։ Լսեք, ես արդեն մի քանի ամիս է աշխատում եմ Իրանի հետ, և նրանք պետք է ստորագրեն այդ համաձայնագիրը։ Դա լավ համաձայնագիր է։ Այն նրանց չի տալիս միջուկային զենք ունենալու իրավունք։ Ավելին, այն ամբողջությամբ արգելում է, որ նրանք երբևէ ունենան միջուկային զենք։ Սակայն նրանք շարունակ ձգձգում էն գործընթացը։ Ես չգիտեմ, թե ինչ են անում։

Հետո նրանք կրակ բացեցին մեր ուղղաթիռի ուղղությամբ։ Ի դեպ, շատ թանկարժեք ուղղաթիռի, բայց առավել կարևոր է, որ դրա մեջ երկու մարդ կար։ Բարեբախտաբար, նրանք չեն տուժել։ Դա իսկապես տպավորիչ փրկարարական գործողություն էր։ Եթե տեսնեք դրա տեսագրությունը, չեք հավատա, թե որքան ազդեցիկ էր այդ փրկությունը

Իրանը չի կարող ունենալ միջուկային զենք և չի ունենա։ Այն, ինչ հիմա հարկավոր է նրանց, համաձայնագիր ստորագրելն է»,- ասել է ԱՄՆ նախագահը։