Իսրայելը պատրաստվում է 61 բնակավայր հիմնել Արևմտյան ափին

Իսրայելը մտադիր է ավելի քան 350 միլիոն դոլար հատկացնել Արևմտյան ափին 61 բնակավայրեր հիմնելու համար, հայտնել է Axios-ի լրագրող Բարաք Ռավիդը։

«Իսրայելի կաբինետը, ինչպես սպասվում է, հինգշաբթի օրը կհաստատի օկուպացված Արևմտյան ափին 61 նոր բնակավայրերի փաստացի հիմնադրման ֆինանսավորման ծրագիրը:

Առաջարկին ծանոթ աղբյուրը հայտնել է, որ կառավարությունը մի քանի տարվա ընթացքում կհատկացնի ավելի քան 350 միլիոն դոլար», - գրել է նա X սոցիալական ցանցում՝ հղում անելով իր ստացած կառավարության որոշմանը։

Լրագրողի խոսքով՝ նախատեսվում է ֆինանսավորել ժամանակավոր բնակարանային համալիրները և հանրային ենթակառուցվածքները. սա վերջին տասնամյակների ընթացքում բնակավայրերի ընդլայնման ուղղությամբ ամենակարևոր քայլերից մեկը կլինի։