Մերցը հայտարարություն է արել Ուկրաինայի՝ Եվրամիությանն անդամակցության վերաբերյալ

Գերմանիայի կանցլեր Ֆրիդրիխ Մերցը հայտարարել է, որ Ուկրաինայի համար առաջարկվող ասոցացված անդամակցության ձևաչափը կարող է ենթադրել Կիևի մասնակցությունը Եվրամիության խորհրդի և նախարարների խորհրդի նիստերին։ Այդ մասին հայտնում է Reuters-ը։

Մերցի խոսքով՝ նման կարգավիճակի շրջանակում Ուկրաինան կարող է ստանալ նաև եվրոպական հանձնակատարի կարգավիճակ՝ առանց քվեարկության իրավունքի։ Նա ընդգծել է, որ Գերմանիայի նպատակը մնում է Ուկրաինայի համար արդար և երկարաժամկետ խաղաղության հասնելը՝ միաժամանակ հաշվի առնելով նաև Գերմանիայի անվտանգության շահերը։

Ավելի վաղ Հունգարիայի արտաքին գործերի նախարար Անիտա Օրբանը նշել էր, որ Ուկրաինայի կամ ցանկացած այլ երկրի անդամակցությունը Եվրամիությանը պետք է հիմնված լինի սահմանված չափանիշների կատարման և ձեռքբերումների վրա։ Նրա խոսքով՝ բոլոր թեկնածու երկրները պետք է առաջնորդվեն նույն կանոններով։