ՆԱՏՕ-ում ԱՄՆ դեսպանը հերքել է դաշինքից Վաշինգտոնի հնարավոր դուրս գալու մասին ենթադրությունները

ԱՄՆ-ը մտադիր չէ հրաժարվել ՆԱՏՕ-ի անդամակցությունից, սակայն ակնկալում է իր եվրոպացի դաշնակիցներից ավելի ակտիվ դերակատարություն սեփական անվտանգության ապահովման գործում, ըստ Դաշինքում ԱՄՆ դեսպան Մեթյու Ուիթաքերի։

«Մենք գերտերություն ենք, բայց մեր ռեսուրսները, ինչպիսիք են ավիակիրները և զորքերը, սահմանափակ են։ Եվ այդ պատճառով մենք ցանկանում ենք, որ Եվրոպան ավելի շատ բաներ անի ինքնուրույն», - ասել է նա RTL-ին տված հարցազրույցում՝ անդրադառնալով վերջին ամիսներին մի շարք եվրոպացի քաղաքական գործիչների և փորձագետների կողմից Հյուսիսատլանտյան դաշինքին Վաշինգտոնի նվիրվածության վերաբերյալ արտահայտված մտահոգություններին։ Ուիթաքերի խոսքով՝ Միացյալ Նահանգները կազմակերպությունը դիտարկում է որպես կոլեկտիվ անվտանգության կարևորագույն տարր և շարունակում է հավատարիմ մնալ ՆԱՏՕ-ին։

Միևնույն ժամանակ, դիվանագետը ընդգծել է, որ ԱՄՆ-ն ակնկալում է, որ եվրոպական պետությունները «ավելի արդարացիորեն կկիսեն ֆինանսական և ռազմական բեռը» դաշինքի շրջանակներում։ Նա նշել է, որ շատ եվրոպական երկրներ արդեն սկսել են ավելացնել իրենց պաշտպանական բյուջեները, բայց այս գործընթացը «պետք է շարունակվի»։