Նշվել է ՌԴ-ում վաճառվող ամենաթանկ բնակելի հարկի արժեքը

Ռուսաստանի երկրորդային անշարժ գույքի շուկայում վաճառքի հանված ամբողջական բնակելի հարկի ամենաբարձր արժեքը գնահատվել է 355 միլիոն ռուբլի։ Այդ մասին հայտնում է ՏԱՍՍ-ը։

Խոսքը վերաբերում է Սանկտ Պետերբուրգում գտնվող պատմական հինգհարկանի շենքում տեղակայված բնակելի տարածքին։ Շենքը կառուցվել է XIX դարի վերջում՝ շվեյցարացի հացթուխ Ֆրիդրիխ Կարլ Վեբերի պատվերով։ Վաճառվող օբյեկտը ձևավորվել է երեք բնակարանների միավորումից և ունի 720 քառակուսի մետր ընդհանուր մակերես։

Բնակարանը բաղկացած է վեց սենյակից, իսկ խոհանոցի մակերեսը կազմում է մոտ 100 քառակուսի մետր։ Նշվում է, որ ներքին հարդարումը բացակայում է, սակայն հնարավոր է վերապլանավորում իրականացնել։ Շենքում վերելակ չկա, սակայն դիտարկվում է անհատական վերելակի տեղադրման տարբերակը, որը կապահովի անմիջական մուտք դեպի ամբողջ հարկը։ Ավելի վաղ անշարժ գույքի ոլորտի մասնագետները նշել էին, որ Մոսկվայում պրեմիում դասի ամբողջական հարկերի արժեքը կարող է հասնել 300–800 միլիոն ռուբլու, իսկ առանձին էլիտար նախագծերում՝ գերազանցել մեկ միլիարդը։