ԱՄԷ ինքնաթիռը ժամանել է Հարավային Կորեա՝ հրթիռային համակարգերը վերցնելու համար

Միացյալ Արաբական Էմիրությունները (ՄԱԷ) C-17 տրանսպորտային ինքնաթիռ է ուղարկել Կորեայի Հանրապետություն՝ Չոնգուն հակաօդային պաշտպանության հրթիռային համակարգեր և դրանց համար որսացող հրթիռներ վերցնելու համար, հաղորդում է Yonhap լրատվական գործակալությունը՝ հղում անելով ռազմական աղբյուրներին։

Հունիսի 12-ին C-17 ինքնաթիռներ են նկատվել Դեգու օդանավակայանում։ Գործակալության տվյալներով՝ նախատեսված է ութ նման թռիչք։

Չոնգուն համակարգերը նախատեսված են մինչև 40 կիլոմետր բարձրության վրա գտնվող օդային թիրախները որսալու համար։

Մարտին՝ ԱՄՆ-Իրան հակամարտության սկսվելուց մի քանի շաբաթ անց, ՄԱԷ տրանսպորտային ինքնաթիռներն արդեն նկատվել են Դեգու օդանավակայանում։ Մի շարք լրատվամիջոցների տվյալներով՝ Չոնգուն հրթիռները այդ ժամանակ դուրս էին բերվում Կորեայի Հանրապետությունից։ ՄԱԷ-ն այդ համակարգերն օգտագործել է օդային թիրախները որսալու համար։

2022 թվականին ՄԱԷ-ն Կորեայի Հանրապետության հետ պայմանագիր է կնքել 3,5 միլիարդ դոլար արժողությամբ 10 Չոնգուն մարտկոցների մատակարարման համար։