Հնդկաստանի ԱԳՆ-ը Ռուսաստանը անվանել է նավթի հուսալի մատակարար

Ռուսաստանը ապացուցել է, որ Հնդկաստանի համար հուսալի գործընկեր է նավթի մատակարարման հարցում, մինչդեռ Միացյալ Նահանգները այս ոլորտում գործում է բացառապես սեփական շահերից ելնելով։ Այս մասին հայտարարել է Հնդկաստանի արտաքին գործերի նախարար Սուբրամանյամ Ջայշանկարը՝ ելույթ ունենալով Ֆինլանդիայում կայացած «Կուլտարանտա Թեքս» համաժողովում։

Արձագանքելով մոդերատորի այն դիտարկմանը, որ Հնդկաստանը երկիմաստ է եղել, չեզոք դիրքորոշում է ընդունել ուկրաինական հակամարտության հարցում, «չափազանց մեծ համակրանք է ցուցաբերել Ռուսաստանի նկատմամբ և չափազանց հեշտությամբ գնել է նրա նավթը», Ջայշանկարը նշել է, որ Հնդկաստանը հիմնականում «նավթ է գնում գնի և մատչելիության հիման վրա»։

«Մինչև 2022 թվականը մենք ռուսական նավթի զգալի ծավալներ չէինք գնում, բայց հանգամանքները մեզ ստիպեցին մտնել այս շուկա։ Պետք է ասեմ, որ Ռուսաստանը ապացուցել է, որ ինքը հուսալի մատակարար է. նրանք մատակարարումներ էին ապահովում, իսկ գնորդները ընտրում էին ամենահիմնավոր և մատչելի տարբերակը։ Եվ ես ուզում եմ, որ մարդիկ հիշեն սա», - ասել է նա։