Արաղչի. ԱՄՆ-ն հուշագրում խոստանում է այլևս չմիջամտել Իրանի գործերին
Աշխարհ
Իրանի հետ փոխըմբռնման հուշագրի համաձայն՝ Միացյալ Նահանգները պարտավորվում է այլևս չմիջամտել Թեհրանի ներքին գործերին կամ չխախտել նրա ինքնիշխանությունը։ Այս մասին հայտարարել է Իրանի արտաքին գործերի նախարար Աբբաս Արաղչին։
«Միացյալ Նահանգները և Իրանը պարտավորվում են հարգել միմյանց ինքնիշխանությունը և չմիջամտել միմյանց ներքին գործերին։ Լիովին հավասար հիմունքներով», – ասել է նա Իրանի պետական հեռուստատեսությամբ։
Նրա խոսքով՝ համաձայնագրի անբաժանելի մասը կլինի նաև Իսրայելի կողմից Լիբանանի դեմ ագրեսիայի դադարեցումը։ «Մենք Լիբանանին մենակ չենք թողնի», – հավելել է նա։
Ավելի վաղ Իրանի արտաքին գործերի նախարար Աբբաս Արաղչին հայտարարել էր, որ Թեհրանն ու Վաշինգտոնը ավելի մոտ են, քան երբևէ, հակամարտությանը վերջ դրող հուշագրի ստորագրմանը։ Իրանի արտաքին գործերի նախարարության խոսնակը, իր հերթին, նշել է, որ հակամարտության կարգավորման վերաբերյալ Միացյալ Նահանգների հետ համաձայնագրի տեքստը գտնվում է Իրանի իշխանությունների կողմից քննարկման փուլում, և դեռ վաղ է ասել փաստաթղթի ստորագրման ժամանակն ու վայրը։
ՈՒՂԻՂ ԵԹԵՐ
Ամենադիտված 
Ռուբլին թանկացել է․ փոխարժեքն՝ այսօր
