Ուկրաինայում հայտարարել են ԵՄ-ում Ռուսաստանի պատճառով պառակտման մասին

Եվրամիությունում պառակտում է առաջացել Ռուսաստանի հետ հարաբերությունների վերականգնման հարցում. Այս մասին յութուբյան իր ալիքի եթերում հայտարարել է ուկրաինացի քաղաքագետ Ռուսլան Բորտնիկը։

«Եվրոպան մնում է պառակտված և մասնատված թե՛ ուկրաինական պատերազմի հարցում, թե՛ Ռուսաստանի Դաշնության հետ ապագա հարաբերությունները գնահատելու հարցում»,- նշել է փորձագետը։

Նրա խոսքով՝ ԵՄ շատ երկրներ հասկանում են ուկրաինական հակամարտության ավարտից հետո Ռուսաստանի Դաշնության հետ տնտեսական կապերի վերականգնման անհրաժեշտությունը։

«Այնուամենայնիվ, մի շարք եվրոպական երկրների համար սկզբունքորեն կարևոր է այժմ ներկա գտնվել ռուսական կողմի հետ բանակցային սեղանի շուրջ», -հավելել է փորձագետը։