Աֆղանստանի իշխանությունները ուժեղացրել են անվտանգության միջոցները կանանց բողոքի ակցիաներից հետո

Աֆղանստանի իշխանությունները լրացուցիչ անվտանգության ուժեր և ռազմական տեխնիկա են տեղափոխել Հերաթ քաղաք՝ կանանց նկատմամբ սահմանափակումների դեմ մի քանի օր շարունակվող բողոքի ակցիաների ֆոնին։ Այդ մասին հայտնում է AFP գործակալությունը։

Տեղի բնակիչների փոխանցմամբ՝ քաղաքում հինգշաբթի օրվանից նկատվել է անվտանգության ծառայությունների ներկայության աճ։ Հաղորդվում է, որ որոշ դեպքերում իրականացվել են նաև քաղաքացիների հեռախոսների ստուգումներ։

AFP-ի լրագրողը հայտնել է, որ հունիսի 12-ին Հերաթի տարբեր հատվածներում նկատվել են ռազմական մեքենաներ, զինված ոստիկաններ և լրացուցիչ անցակետեր, որտեղ հերթապահել են նաև հետախուզական ծառայությունների ներկայացուցիչներ։

Տեղաբնակներից մեկի խոսքով՝ իրավիճակի լարվածության պատճառով բնակիչները հրաժարվել են նոր բողոքի ակցիաներ կազմակերպելու մտադրությունից։

Ավելի վաղ հաղորդվել էր, որ Ռուսաստանն ու Աֆղանստանը քննարկում են աշխատանքային միգրանտների ներգրավման հնարավորությունները, իսկ 2026 թվականի առաջին ամիսներին երկու երկրների միջև առևտրաշրջանառությունը զգալի աճ է գրանցել։