ԱԷՄԳ-ն պատրաստ է միջնորդ դառնալ ԱՄՆ-ի և Իրանի միջև պայմանավորվածությունների ստուգման հարցում. Ռաֆայել Գրոսի
Աշխարհ
ԱԷՄԳ-ն պատրաստ է միջնորդ դառնալ միջուկային էներգետիկային առնչվող ԱՄՆ-ի և Իրանի միջև պոտենցիալ պայմանավորվածությունների կատարման ստուգման գործում։ Այս մասին հայտնել է Ատոմային էներգիայի միջազգային գործակալության գլխավոր տնօրեն Ռաֆայել Գրոսին, հաղորդում է ՏԱՍՍ-ը՝ հղում անելով՝ Yonhap գործակալությանը:
«Գործակալությունում ամենակարևորը ստուգումն է, և մեր մասնակցությունը շատ կարևոր ձևականություն է, որը պետք է առկա լինի»,- ասել է Գրոսին Վիեննայում լրագրողների համար ԱԷՄԳ-ի կողմից կազմակերպված սեմինարի ժամանակ համաշխարհային լրատվամիջոցների ներկայացուցիչների հետ հանդիպմանը:
«Երբ նրանք պայմանավորվեն և խնդրեն մեզ ստանձնել ստուգումը, ես ստիպված կլինեմ դիմել ԱԷՄԳ կառավարիչների խորհրդին և թույլտվություն խնդրել դա անելու համար»,- շարունակել է գործակալության ղեկավարը։
Գրոսին դեռևս ապրիլին՝ Սեուլ կատարած այցի ժամանակ, կողմերին առաջարկել էր ԱԷՄԳ-ի ծառայությունները՝ գործարքի պայմանների վերիֆիկացման համար։ Ապրիլի 15-ին նա հայտարարել էր, որ Իրանի միջուկային ծրագրի վերաբերյալ ԱՄՆ-ի և Իրանի միջև պայմանավորվածություններն առանց ստուգման մեխանիզմների կմնան որպես թղթի կտոր։
ՈՒՂԻՂ ԵԹԵՐ
Ամենադիտված 
Ռուբլին թանկացել է․ փոխարժեքն՝ այսօր
