Իսրայելի բանակը կմնա Լիբանանի, Սիրիայի և Գազայի հատվածի անվտանգության գոտիներում
Աշխարհ
Իսրայելի պաշտպանության նախարար Իսրայել Կացը հայտարարել է, որ Իսրայելի պաշտպանության ուժերը (ԻՊՈւ) անորոշ ժամանակով կմնան Լիբանանի, Սիրիայի և Գազայի հատվածի անվտանգության գոտիներում։
«Իսրայելի վարչապետ Բենիամին Նեթանյահուի հետ մենք ունենք հստակ քաղաքականություն, որ ԻՊՈւ-ն անորոշ ժամանակով կմնա Լիբանանի, Սիրիայի և Գազայի հատվածի անվտանգության գոտիներում՝ սահմանները և Իսրայելի բնակավայրերը պաշտպանելու համար», - նախարարի խոսքերը մեջբերել է Ynet-ը։
«Մենք (Իսրայել) դեմ ենք ԻՊՈւ-ի Լիբանանից դուրսբերմանը՝ չնայած առկա կամ ապագա ցանկացած ճնշման», - բացատրել է Կացը։ Նա հավելել է, որ Նեթանյահուն «հստակեցրել է դա» ԱՄՆ նախագահ Դոնալդ Թրամփին և ԱՄՆ այլ բարձրաստիճան պաշտոնյաներին։ Նա նաև հավելել է, որ այս դիրքորոշումը հայտնել է հունիսի 14-ին՝ Պենտագոնի քարտուղար Փիթ Հեգսեթի հետ զրույցում։
Ավելի վաղ ԱՄՆ-ի, Իրանի և Պակիստանի՝ միջնորդի պաշտոնյաները հաստատել են Վաշինգտոնի և Թեհրանի միջև համաձայնագիրը։ Այն նախատեսվում է ստորագրել Ժնևում հունիսի 19-ին։
ՈՒՂԻՂ ԵԹԵՐ
Ամենադիտված 
Ռուբլին թանկացել է․ փոխարժեքն՝ այսօր
