Մոդին հույս ունի, որ ԱՄՆ-Իրան համաձայնագիրը կվերականգնի խաղաղությունը Մերձավոր Արևելքում

Հնդկաստանը հույս ունի, որ ԱՄՆ-ի և Իրանի միջև հակամարտության կարգավորման համաձայնագիրը կապահովի նավարկության ազատությունը և կվերականգնի խաղաղությունը Մերձավոր Արևելքում, հայտարարել է Հնդկաստանի վարչապետ Նարենդրա Մոդին։

«Ես ողջունում եմ Միացյալ Նահանգների և Իրանի միջև Արևմտյան Ասիայում հակամարտությունը դադարեցնելու վերաբերյալ ձեռք բերված փոխըմբռնումը, որը լուրջ տնտեսական խափանումներ է առաջացրել ամբողջ աշխարհում և հանգեցրել մարդկային կորուստների բազմաթիվ երկրներում», - գրել է նա իր նամակում։

«Հնդկաստանը հույս ունի, որ այս համաձայնագրի իրականացումը կնպաստի տարածաշրջանում խաղաղության և կայունության վերականգնմանը և կապահովի նավարկության և առևտրի ազատությունը», - ընդգծել է Մոդին։ Նա նաև հավելել է, որ Հնդկաստանը «անհամբեր սպասում է մնացած հարցերի քննարկմանը և երկարատև վերջնական համաձայնագրի հասնելուն»։