Օդանավակայանում առանց հայտարարագրման Hermes պայուսակով աղջկա են ձերբակալել

Մոսկվայի «Ժուկովսկի» օդանավակայանում մաքսային ծառայության աշխատակիցները կանգնեցրել են 24-ամյա ուղևորուհու, որը փորձել է առանց հայտարարագրման Ռուսաստան ներմուծել թանկարժեք Hermes պայուսակ։ Այդ մասին հայտնում է «Осторожно, Москва» Telegram ալիքը։

Աղջիկը Թուրքիայից ժամանել էր ձեռքի ուղեբեռով, որտեղ հայտնաբերվել է սև գույնի Hermes Birkin Black Togo Palladium Hardware մոդելի պայուսակ՝ մոտ 3 միլիոն ռուբլի արժեքով։ Աքսեսուարը գտնվել է բրենդային տուփի մեջ։

Ուղևորուհու խոսքով՝ պայուսակը իրեն նվիրել է ծանոթը, իսկ հայտարարագրման պահանջի մասին ինքը տեղյակ չի եղել։ Միաժամանակ ներկայացված կտրոնում ապրանքի արժեքը եղել է ջնջված։

Անցկացված փորձաքննության արդյունքում հաստատվել է, որ պայուսակը օրիգինալ է։ Արդյունքում մաքսային մարմինները առգրավել են այն և կնոջ նկատմամբ նշանակել շուրջ 861 հազար ռուբլու չափով տուգանք։

Ավելի վաղ հաղորդվել էր, որ Չինաստանից թանկարժեք զարդեր և ժամացույցներ տեղափոխած Ռուսաստանի քաղաքացի ևս բախվել էր մաքսային խախտումների վերաբերյալ քրեական գործի։