Բժիշկը քննադատել է այրոցի դեմ տարածված միջոցը

Գաստրոէնտերոլոգ Սերգեյ Վյալովը քննադատել է այրոցի դեմ լայն տարածում ստացած մեթոդներից մեկը՝ կաթ օգտագործելը։ Այդ մասին նա գրել է իր Telegram ալիքում։

Բժշկի խոսքով՝ կաթը կարող է ժամանակավորապես թեթևացնել վիճակը, քանի որ պատում է ստամոքսի լորձաթաղանթը և նոսրացնում ստամոքսահյութը։

Սակայն նա ընդգծել է, որ կաթը չի վերացնում այրոցի պատճառը և որոշ դեպքերում նույնիսկ կարող է կրկնակի թթվային արտազատում առաջացնել՝ իր բաղադրության մեջ առկա ճարպերի և կալցիումի պատճառով։

Վյալովը խորհուրդ է տվել կաթը չդիտարկել որպես այրոցի համակարգային կամ հիմնական բուժման միջոց։