Euronews. Մակրոնը Զելենսկուն խոստացել է օգնել G7-ի շրջանակներում հանդիպումների կազմակերպման հարցում

Ֆրանսիայի նախագահ Էմանուել Մակրոնը Վլադիմիր Զելենսկիին խոստացել է իր օգնությունը «Յոթի խմբի» (G7) գագաթնաժողովի շրջանակներում երկկողմ հանդիպումների կազմակերպման գործում, այդ թվում՝ ԱՄՆ նախագահ Դոնալդ Թրամփի հետ հնարավոր բանակցությունների հարցում: Այս մասին հաղորդել է Euronews-ը:

Ըստ լրատվական գործակալության՝ Մակրոնը և Զելենսկին գագաթնաժողովից առաջ ոչ պաշտոնական հանդիպումներ են ունեցել: «Ես կկազմակերպեմ դա», - ասել է Ֆրանսիայի առաջնորդը՝ հավելելով, որ հանդիպումը կարող է տեղի ունենալ «այսօր երեկոյան կամ վաղը»: Ֆրանսիացի առաջնորդը չի նշել, թե ում հետ է խոստացել հանդիպել: Ինչպես հաղորդում է The Guardian-ը, Մեծ Բրիտանիայի, Իտալիայի, Կանադայի, Ճապոնիայի, Գերմանիայի և ԵՄ առաջնորդները գրեթե մեկ ժամ սպասել են Մակրոնին, Զելենսկիին և ԱՄՆ նախագահ Դոնալդ Թրամփին:

Ինչպես նախկինում հայտարարել էր Սպիտակ տան խոսնակը, որը մեջբերել է Le Monde-ը, «Թրամփի օրակարգը չի ներառում Զելենսկիի հետ պաշտոնական երկկողմ հանդիպում»: