Մեծ Բրիտանիան ընդլայնել է Ռուսաստանի դեմ պատժամիջոցները

Մեծ Բրիտանիայի իշխանությունները Ռուսաստանի դեմ պատժամիջոցների ցանկը ընդլայնել են 43 կետով, այդ թվում՝ սահմանափակումներ 32 կազմակերպության և 11 անձի նկատմամբ, ասվում է Արտաքին գործերի նախարարության հայտարարության մեջ։

Պատժամիջոցների հիմքում նշվում է «Ռուսաստանի կառավարության գործունեությունից օգուտ ստանալը կամ նրան աջակցություն ցուցաբերելը կառավարության համար ռազմավարական նշանակություն ունեցող ոլորտում, մասնավորապես՝ Ռուսաստանի ֆինանսական ծառայությունների ոլորտում գործունեության միջոցով»։

Ինչպես նշվել է Լոնդոնում, Մեծ Բրիտանիան դարձել է «առաջին G7 երկիրը, որը պատժամիջոցներ է կիրառել Ռուսաստանի կողմից վերջերս ձեռք բերված մի շարք հեղուկացված բնական գազի նավերի նկատմամբ՝ Arctic LNG 2 նախագիծը սպասարկելու համար, որը նախկինում պատժամիջոցների տակ էր»։

Ընդհանուր առմամբ, Մեծ Բրիտանիայի պատժամիջոցների ներքո Ռուսաստանի հետ ենթադրաբար կապված նավերի թիվը գերազանցում է 600-ը։

Պատժամիջոցների ցանկում ընդգրկված ընկերությունների բոլոր հնարավոր հաշիվները Մեծ Բրիտանիայում ենթակա են սառեցման, իսկ անհատների վրա նաև արգելվում է Մեծ Բրիտանիա մուտք գործելը։