Ռուսաստանում մեկնաբանել են Եվրոպայի դերը Ուկրաինայի շուրջ բանակցային գործընթացում

Պետդումայի միջազգային հարցերով հանձնաժողովի նախագահի առաջին տեղակալ Սվետլանա Ժուրովան հայտարարել է, որ Ռուսաստանը կարող է Ուկրաինայի հետ հակամարտության շուրջ բանակցություններ վարել առանց միջնորդների՝ անմիջական շփմամբ Կիևի հետ։

Նրա մեկնաբանությունը հնչել է այն տեղեկությունների ֆոնին, ըստ որոնց եվրոպական երկրները մտահոգված են, որ ԱՄՆ նախագահ Դոնալդ Թրամփը կարող է կրկին սահմանափակել նրանց մասնակցությունը Ուկրաինայի կարգավորման գործընթացում։

Ժուրովայի խոսքով՝ Ռուսաստանը համաձայնել է ընդունել Թրամփի միջնորդական ջանքերը, քանի որ ներկայացվել են առաջարկներ, որոնք ընդունելի են եղել ռուսական կողմի համար։ Նա նաև նշել է, որ Եվրոպայում տարբեր առաջնորդներ փորձում են ազդեցություն ունենալ գործընթացի վրա, սակայն միասնական դիրքորոշում չկա։

Ավելի վաղ Թրամփը հայտարարել էր, որ Իրանի հետ պայմանավորվածություններից հետո ԱՄՆ-ը պատրաստվում է կենտրոնանալ Ուկրաինայի շուրջ իրավիճակի կարգավորման ուղղությամբ։