Կրեմլում հայտարարել են՝ Զելենսկին կարող է ժամանել Մոսկվա բանակցությունների համար

Կրեմլի խոսնակ Դմիտրի Պեսկովը հայտարարել է, որ Ուկրաինայի նախագահ Վլադիմիր Զելենսկին կարող է ցանկացած պահի ժամանել Մոսկվա, եթե պատրաստ լինի լուրջ և պատասխանատու բանակցությունների։

Պեսկովի խոսքով՝ ռուսական կողմը բազմիցս հայտարարել է իր դիրքորոշումը և Կիևին հայտնի են այն հարցերը, որոնց շուրջ հնարավոր է քննարկում։ Նա նշել է, որ նման պայմաններում Մոսկվան պատրաստ կլինի ընդունել ուկրաինական առաջնորդին։

Կրեմլի ներկայացուցիչը նաև կրկնել է, որ Ռուսաստանի նախագահ Վլադիմիր Պուտինը պաշտոնական հրավեր չի ստացել մասնակցելու G7 գագաթնաժողովին։

Ավելի վաղ Ռուսաստանի արտգործնախարար Սերգեյ Լավրովը հայտարարել էր, որ Զելենսկու՝ բանակցությունների վերաբերյալ հրապարակային առաջարկները ավելի շատ նման են հրապարակային դիվանագիտության, քան գործնական գործընթացի։