Վան Ի. Մերձավոր Արևելքում խաղաղության դուռը չպետք է կրկին փակվի
Աշխարհ
Իրանը և Միացյալ Նահանգները չպետք է վերադառնան ուժի կիրառմանը փոխադարձ համաձայնության հասնելուց հետո։ Այս մասին հայտարարել է Չինաստանի արտաքին գործերի նախարար Վան Ի-ն Պակիստանի փոխվարչապետ և արտաքին գործերի նախարար Իսհակ Դարի հետ հեռախոսազրույցում, ըստ «Սինհուա» գործակալության։
«Խաղաղության դուռը արդեն բացվել է, և այն չպետք է կրկին փակվի։ Մերձավոր Արևելքը երկար ժամանակ տառապել է պատերազմներից, և նրա ժողովուրդը արժանի է խաղաղության», – ասել է Չինաստանի արտաքին գործերի նախարարը։
Նա նշել է, որ ներկայիս կոնսենսուսը բացել է Մերձավոր Արևելքում և Պարսից ծոցի տարածաշրջանում երկարատև խաղաղության հասնելու ջանքերի նոր փուլ։
Նա հավելել է, որ բանակցությունների երկրորդ փուլը, հավանաբար, ավելի դժվար կլինի, քան առաջինը, բայց կողմերը չպետք է «վերադառնան» կամ կրկին դիմեն ուժի կիրառմանը։
ՈՒՂԻՂ ԵԹԵՐ
Ամենադիտված 
Սոչի մեկնող ինքնաթիռը ճանապարհին անցկացրել է մեկ օր, սակայն տեղ չի հասել
