ԵՄ-ում կորոշեն Ուկրաինայից փախստականների ճակատագիրը

Եվրոպական հանձնաժողովը կորոշի Ուկրաինայից փախստականների ապագա կարգավիճակը՝ հիմնվելով ժամանակավոր պաշտպանության վերաբերյալ նոր առաջարկի վրա, որը կսահմանի 2027 թվականի մարտից կիրառվող կանոնները: Այս մասին RBC-Ukraine լրատվականին հայտարարել է Եվրոպական հանձնաժողովի խոսնակ Էլետրա Դի Մասսան։

Ինչպես նշում է հրատարակությունը, Եվրոպական Միությունը 2022 թվականին ակտիվացրել է Ժամանակավոր պաշտպանության մասին հրահանգը: Չնայած սկզբնապես նախատեսված էր ուժի մեջ մնալ միայն մեկ տարի՝ այդ միջոցառումը բազմիցս երկարաձգվել է, վերջին անգամ՝ մինչև 2027 թվականի մարտը։

Զեկույցում նշվում է, որ այդ ամսաթվից հետո ժամանակահատվածի համար նախատեսվում են փոփոխություններ, և Եվրոպական հանձնաժողովը ակտիվորեն քննարկում է այս հարցը։

«Հանձնաժողովն այժմ առաջարկ կպատրաստի Ուկրաինայից փախստականների պաշտպանության վերաբերյալ՝ սկսած 2027 թվականի մարտից: Այնուհետև ԵՄ խորհուրդը որոշում կկայացնի՝ հիմնվելով այս առաջարկի վրա», - նշել է հանձնաժողովը։