Ֆիդան. Անկարան և Մոսկվան համագործակցությանը խոչընդոտող որևէ խնդիր չունեն

Թուրքիայի և Ռուսաստանի միջև չկան խնդիրներ, որոնք կարող են խոչընդոտել երկկողմ համագործակցությանը, Ռուսաստան կատարած երկկողմ այցից հետո «Թուրքիե» թերթին ասել է Թուրքիայի արտգործնախարար Հաքան Ֆիդանը։

«Բանակցությունների ընթացքում կայացած բոլոր հանդիպումներում մենք համոզվել ենք, որ երկկողմ հարաբերությունների և տարածաշրջանային հարցերի շուրջ համատեղ աշխատելու հետ կապված խնդիրներ չկան։ Երկկողմ հարաբերություններում լուրջ դժգոհություններ առաջացնող հարցեր չկան։ Երկու երկրներն էլ ցանկանում են համագործակցել բոլոր հնարավոր ոլորտներում», - նշել է Թուրքիայի արտգործնախարարը։

Նրա խոսքով՝ կողմերը քննարկում են «չափազանց բարդ և խորը հարցեր՝ արտահայտելով իրենց տեսակետները»։ «Մենք ռուսների հետ զարգացրել ենք հատուկ հարաբերություններ։ Նույնիսկ այն դեպքերում, երբ մենք ունենք շատ լուրջ խնդրահարույց ոլորտներ, մենք գիտենք, թե ինչպես համագործակցել և վստահություն կառուցել», - ընդգծել է Ֆիդանը։