Ջեֆ Բեզոսը կանխատեսել է կադրերի պակաս՝ արհեստական բանականության զարգացման պատճառով

Amazon-ի և Blue Origin-ի հիմնադիր Ջեֆ Բեզոսը հայտարարել է, որ արհեստական բանականության զարգացումը երկարաժամկետ հեռանկարում կհանգեցնի ոչ թե զանգվածային գործազրկության, այլ աշխատուժի պակասի։ Այդ մասին նա խոսել է Փարիզում անցկացված VivaTech տեխնոլոգիական համաժողովում, փոխանցում է Reuters-ը։

Բեզոսի խոսքով՝ տարածված մտավախությունները, թե AI-ը մարդկանց կդարձնի ավելորդ, չափազանցված են։ Նրա կարծիքով՝ նոր տեխնոլոգիաները կօգնեն վերացնել բազմաթիվ սահմանափակումներ և կստեղծեն նոր գործունեության ոլորտներ։

Միևնույն ժամանակ հրապարակված տվյալների համաձայն՝ միայն 2026 թվականի մայիսին ԱՄՆ-ում ավելի քան 97 հազար աշխատատեղի կրճատման մասին հայտարարվել է, որոնց շուրջ 40 տոկոսը կապվել է արհեստական բանականության ներդրման հետ։

Հիշեցվում է նաև, որ Amazon-ը 2025 թվականի վերջից կրճատել էր մոտ 30 հազար աշխատակից՝ դա բացատրելով նոր տեխնոլոգիաների շնորհիվ արդյունավետության աճով։