Հայկական լրատվամիջոցները փորձում են ՌԴ-ին մեղադրել հուշարձանի իբր թե պղծման մեջ․ Զախարովա

ՌԴ ԱԳՆ պաշտոնական ներկայացուցիչ Մարիա Զախարովան մատնանշել է հայկական լրատվամիջոցների՝ Գյումրիում հուշարձանի պղծման պատասխանատվությունը Ռուսաստանի վրա բարդելու փորձերը՝ դրանք անվանելով ստոր սուտ։

«Նկատել ենք ՀՀ իշխանությունների հետ կապված որոշ տեղեկատվական ռեսուրսների փորձերը՝ միջադեպը ներկայացնելու որպես դիտավորյալ սադրանք՝ չեք հավատա՝ ում կողմից՝ ռուսական կողմի»,- ճեպազրույցի ժամանակ նշել է դիվանագետը։

«Պետք չէ որևէ բան հորինել, որ իբր մենք կարող էինք նման բան սադրել կամ անել։ Ոչ, դա այդպես չէ։ Դա ճշմարտություն չէ։ Դա սուտ է՝ ստոր և, ակնհայտորեն, ընթացքում հորինված։ Այս ամենը ողջախոհության սահմաններից դուրս է, պարկեշտության մասին էլ չեմ խոսում»,- հավելել է Զախարովան։

Ինչպես նշել է դիվանագետը, «կարելի էր հորինել ամեն ինչ, եթե չլիներ ՌԴ պլանաչափ գործունեությունը՝ Արևմտյան Եվրոպայի երկրների տարածքում քանդվող կարմիրբանակայինների, խորհրդային բանակի զինվորների հուշարձանները պաշտպանելու ուղղությամբ»։

«Իսկ մենք, ըստ էության, միայնակ ենք զբաղվում դրանով, և ոչ ոք մեզ չի օգնել,- ընդգծել է նա,- մի շարք այլ երկրների փորձը ցույց է տալիս, որ նախնիների հիշատակի ոտնահարումը և հուշարձանների դեմ պայքարը անբաժանելի մաս են, իսկ երբեմն էլ՝ պարզապես պարտադիր պայման Եվրոպական միության հետ մերձենալու համար, որի տարածքում հենց քանդում են ֆաշիզմի և նացիզմի դեմ կռված զինվորների հուշարձանները, հուշահամալիրները, իսկ երբեմն նաև՝ տապանաքարերը»։

«Մենք ակնկալում ենք, որ ընդհանուր անցյալը, դրա փառահեղ էջերը չեն ենթարկվի եվրոպական չափանիշներով տխրահռչակ, այսպես կոչված, բարեփոխումներին»,- եզրափակել է ՌԴ ԱԳՆ պաշտոնական ներկայացուցիչը։